رواية دمعة فاطمة الفصل الاول للكاتب مصطفى جابر
رواية_دمعة_فاطمه 1
أنا زهقت منك انتي كل شويه هتكسري حاجتي يا حماتي وكل ما اجيب حاجه جديده للبيت بتقعدي تتريقي عليا
حماتها بهدؤء اي اللي بتقوليه ده الطبق وقع غصب عني يا ميرفت اعمل اي يعني وبعدين انا لا عمري اتريقت ولا كسرت حاجه ليكي غير الطبق ده وانا هجببك بداله اتنين وهعوضك
ميرفت بغل اتنين اي وتعوضي مين هو انتي فاكرة نفسك بتعطفي عليا في بيتي
فاطمه بهدؤء دا بيتي زي مهو بيتك انتي ليكي الدور اللي فوق وانا ليا الدور الارضي ده
ميرفت بتشدها من شعرها ده بيتي انا لوحدي يا وليه يا خرفانه انتي لازم تغوري من هنا نهائي
فاطمه بألم وصويت ااه سيبي شعري الحقني يا حسام مراتك بتمد ايدها علي امك ااه
حسام نزل جري في اي يا ميرفت ابعدي عنها
زقها بعيد
ميرفت بمكر امك هزقتني وشتمتني وعماله تكسر لي في حاجتي حتي بص عالارض كده مش تحمد ربنا اني سيباها في بيتي واكله شاربه
حسام ل امه يا ماما خمسين مره اقولك ملكيش دعوه بيها عاجبك الحال ده اتفضلي اعتذري وبلاش التصرفات دي
فاطمه بدموع يابني انا والله العظيم ما جيت جنبها الطبق اتكسر غصب عني و هيا اللي مدت ايدها عليا وفضلت تهزق فيا وانا معملتش حاجة صدقني
حسام بغضب ياما انا مش عاوز وجع دماغ و كتر كلام ياريت تبطلي افتري علي مراتي شويه هيا مش خدامه عندك
فاطمه بحزن ماشي يابني كتر الف خيرك
ميرفت بخبث مهو فعلا كتر خيره خيره ده اللي انتي متمرمغه فيه يا حماتي وكل شهر يديكي فلوس قد كده بس انا مش هتكلم انا طالعه شقتي أفطر الواد
طلعت وحسام بص ل امه بغضب وطلع ورا مراته
فاطمه بحزن لي كدا يا بني فينك يا رعد تيجي تشوف امك متبهدلة ازاي من اخوك ومراته
بليل
ميرفت بابتسامة كل يا حبيبي وخلص اكلك عندك مدرسه
محمود بزعل هو انتي لي بتنزلي ل تيته أكل بايت و بيكون باقي مننا
ميرفت بغيظ وانت مالك الدكتور قال إنها تاكل كدا متدخلش في امور الكبار
محمود بزعل بس تيته تعبانه والاكل دا مش حلو عشانها انا هنزلها اكلي دا
ميرفت بغضب محمودد لم نفسك عشان مضربكش روح اوضتك وبكرا مفيش حلويات عقابا ليك فاهم
محمود بدموع انتي وحشه و هتروحي النار بطياره
جري علي اوضته وهيا بصت له بغيظ العيل اللي لسه مطلعش من البيضه بيدافع عنها
حسام جه بابتسامة اي يا روحي زعلانه لي كدا
ميرفت بدموع تمثيل زهقت من كتر خدمة امك ومن كتر الفلوس اللي احنا عاملين ندفعها ليها كل شويه شهريه
حسام بهدؤء ياحبيبتي انا مرتبي عشر تلاف هي بتاخد الف اعتبريه ذكاه عننا
ميرفت بخبث بيتنا اولى بيه يا حبيبي بص انا اعرف دار مسنين توديها فيه عالاقل هناك هياخدوا بالهم منها
حسام بصدمة ابعت امي دار
ميرفت بخبث لا مش هياكلوا وشك بس ابنك اللي هيبقا اقل من اصحابه لو فضلنا علي الحال دا كتير احنا اولي ب الجنيه اللي بتدفعهولها اسمع مني هناك هيخدموها بعنيهم ونبقا نزورها كل شويه قولت اي يحبيبي
حسام بتفكير بس تفتكري امي ممكن توافق عالموضوع ده
ميرفت بغل اه هتوافق ولو موافقتش توافق غصب عنها ما هيا ملهاش لا اخ ولا اخت تغور بقا
حسام بابتسامة ماشي هشوف دار كويسه ابعتها فيها
ميرفت ببرود انا دورت ولقيت دار مناسبه واتفقت معاهم علي كل حاجه وهما مستنينها الصبح اول ما تصحي خدها و وديها
حسام بابتسامة ماشي يا حبيبتي متزعليش نفسك انتي بس
ميرفت بدلع روح قلب حبيبتك انت يا حوس
تاني يوم
نزل لاقي امه بتصلي وبتدعي له يارب استرها علي عيالي و زود رزقهم واهديهم وابعد عنهم ولاد الحرام
حسام حس بحزن
ميرفت بغيظ يلا روح
حسام بتوتر ما بلاش
