تحقيق جرائم نور منصور كاملة جميع الفصول عُدي و أنس نرمينا راضي
المحتويات
و الطفل و تقريبا كدا حاجة من الاتنين يا الطفل في عمر أنس يا إما هو اسمه أنس يا شبه أنس المهم إنه فيه حاجة تربطه هو و أنس عشان الطقوس بتاعت تقديم القربان تتم مظبوط واضح إن الست روحية كانت متعلقة بحفيدها جدا و واضح برضو إن ليها في أعمال السحر و الدجل و إن الجن قرر ينتقم منها لما عازت تدي ولائها للي أكبر منهم اللي هو الشيطان.. ابليس نفسه لأن خدام الجن بينتقموا من اللي يسخرهم و يرجعوا يسيبوهم فمن كتر حبها لحفيدها قررت تضحي بجثمان طفل زي أنس عشان الشيطان يقبله و يصحي لها حفيدها ده.. معتقدات كلها جهل و كفر نعوذ بالله و دلوقت هي أخدت أنس عشان تعمل الطقوس و خدت عدي أخوه معاه كنوع من أنواع التهديد لأمه و اللي في الصورة ده مش راجل دي الست روحية و لابسه كدا عشان تخوف و تهدد نهى و طبعا مفيش جريمة كاملة.. مكنتش تعرف أو تستوعب إن من خلال الصورة دي هقدر أوصلها قبل ما تنفذ وعدها مع الشيطان هي استخدمت الصورة للترهيب ضدنا و أنا هستخدمها ضدها برضو و يا أنا يا أنت يا حلاوتهم.
قلت الجملة الأخيرة بصوت عال.. نهى كتبت بسرعة
اسمها روحية حلاوتهم تبقى أمي
أبو أمك ده راجل جاحد في حد يسمي بنته حلاوتهم! هو مش عارف إن السكريات مضرة بالصحة! ولا الحج كان ناوي ينافس العبد و بلبن!
كنت عارفة إني أول ما أوصل لأول الخيط كل حاجة هتبقى سهلة بعد كدا هي مش سهلة أوي لأني هلعب دور الخالة نوسة و اتعامل مع العالم الآخر بس أهي مغامرة و الشاطر يطلع منها وربنا يستر.
بصيت للصورة تاني من ورا لقيت بيتكتب
هتروحي المقابر بالليل تدوري على جثمان طفل عند سنة و شهرين لسه مدفون معداش عليه ساعتين و تنبشي القبر تطلعي الجثمان و تخلي بنت حلاوتهم تعور ايدها و تنزل دم على الجثمان وهي بتقول الكلام ده.. لكم ما تريدون و اعطونا ما نريد.. الحق الحق الوعيد الوعيد و لكل وعد قول سديد
فكملت أنا بصدمة
أنا الروح المجنونة في البيضة المقدسة أنا اللي دخلت حقوق و كان نفسي في هندسة!
طبعا ده مكنش مكتوب نهى بصت لي باستغراب من العبث اللي بقوله و أنا بضحك زي المجنونة من اللي بيحصل و أنا من جوايا عايزة أقوم ارقع بالصوت و أروح لجوزي و ابني أنا غلبانة و مليش في الليلة دي كلها.. منك
وفي نفس الوقت اللي بندب فيه و على وشك العياط و أنا لسه بضحك باستهزاء من اللي بيحصل لي.. باب الشقة اللي مكنش راضي يتفتح.. اتفتح بسهولة تلقاء نفسه أنا و نهى بصينا لبعض بذهول و رجعت بصيت للصورة لقيت الكلام لسه مكتوب و تحتيه
نفذي المهمة الأولى عشان نساعدك في التانية
شديت نهى من ايدها عشان نلحق نطلع من الشقة الملبوسة دي قبل ما الباب يتقفل علينا و بعد ما طلعنا نسينا أهم حاجة! نهى نست تلبس الشبشب!
مهو أكيد مش هتمشي حافية يعني!
كانت عايزة ترجع تاني فزقيتها بعد ما جبت أخري و أنا بقولها
قدامي بدل ما اخدك مقص حرامية قدامي عشان أنا قربت اتجنن خلاص.. منك لله يا نهى في حد يسمي بنته حلاوتهم! جدك ده كان راجل حلزوني بصحيح
بعد ما خرجنا أنا و نهى أخيرا من الشقة الملعونة دي كنت أول حاجة بفكر فيها إني ما اتبعش التعليمات اللي بتتكتب لي في ضهر الصورة بتاعت الولدين و اتصرف حسب خبرتي أيوة دي أول مرة تحقيقي في الجريمة ياخد منحنى تاني خالص و يبقى في مواجهة العالم الآخر بس برضو الواحد عنده خبرة من اللي مر بيه و شافه على مدار تلاتين تحقيق! كلهم يا قتل يا خطف يا اختفاء يا سرقة يا .. كله ضرب ضرب مفيش شتيمة و دي أول مرة الجريمة تكون لها علاقة بعبدة الشيطان
الماسونية.
مكنش عندي ثقة في الجن احساس جامد جالي إنهم بيلعبوا بيا و بيوهموني إني لما اسمع كلامهم هيسيبوا الطفلين عادي! عشان كدا كانت أول خطوة خدتها بعد ما خرجنا من الشقة إننا نروح للشيخ
مهند و مراته الشيخة عطية.
ماتستغربش من اساميهم أنا برضو أول اما جيت سكنت في المنطقة دي و سمعت اسمهم لحقوني قبل ما اموت من كتر الضحك.
الشيخ مهند مش شيخ مربي دقنه وكدا أو راجل كبير في السن لأ هو شاب عادي في أواخر التلاتين بس الناس سميته كدا عشان كان دجال و تاب لربنا وبقى يساعد اللي معمولهم أعمال مش هكدب عليكم هو معاه خدام من الجن الصالح بيساعدوه ده اللي أعرفه عنه و معرفش هو حقيقي ولا خزعبلات الناس بتتناولها و خلاص.
أما مراته الشيخة عطية في أول التلاتين بس دي بتعالج بالقرآن المهم يعني الاتنين بيتحدوا مع بعض و يساعدوا الناس بالاضافة ليا إني بشوف حاجات عبارة
ده أنتوا ها تتنفخوا.
قلت الجملة الأخيرة بنبرة كلها حماس.. نهى سألتني باستغراب
هما مين دول اللي هيتنفخوا يا نور
البلالين
بلالين! هي البلالين ليها فايدة في شغلك
أيوة.. بنلم الكفار و نعمل بيها حفلة نار.. أنت عبيطة يا نهى! لأ بقولك إيه.. أنا أحب اللي يشغل مخه معايا إحنا مش رايحين نلعب إحنا رايحين ناكل علقة مكلهاش حمار في مطلع و نرجع تاني.. أبوس ايدك نركز عشان نعرف نرجع و العلقة عادي نبقى نحط فولتارين
طيب أنت هتعملي ايه دلوقت عاوزة ألحق العيال يارب يبقوا كويسين
نهى كانت بتحاول تكلمني بالاشارة على خفيف كدا لأننا خرجنا من الشقة ملحقناش ناخد لا ورقة ولا قلم ولا حتى لبست شبشبها!
الشبشب!.. خدتها من ايدها لواحدة بتبيع شباشب قريبة أنا عارفاها
نهى أنت مش هتفضلي ماشية حافية تعالي اجيب لك شبشب حد يفكر ولا حاجة إني خطفاك و أنت باين عليك على نياتك و هتودينا في داهية
روحت عشان اشتري لها شبشب فسألتها
مقاس رجلك كام
بصت لي بصة احراج و سكتت فسألتها تاني و استعجلتها مش وقته كسوف خالص عيالك زمانهم بيتعمل منهم كبسة دلوقت.. خدت شبشب و شاورت على مقاسه فقلت بضحكة مكتومة
مقاسك ستة و تلاتين لأ كده نخش على قسم الأطفال.. شوفيلها يا حجة شبشب الله يكرمك خلينا نمشي.. ستة و تلاتين يا نهى! أنت اتفطمتي بدري!
لبست الشبشب و مشينا على بيت الشيخ مهند ربنا يستر و ميكنش عدنان بك هناك.
فتحت لنا مراته الشيخة عطية بابتسامة طيبة و سمحت لنا بالدخول قعدت معاهم و حكيت لهم اللي حصل و طلعت الصورة قبل ما اديها للشيخ مهند لقيت مكتوب عليها من ورا
بلاش.. نهايتك قربت
كنت متوقعة يعملوا كدا أكيد خايفين من الشيخ مهند لأنه معروف عنه قدرته في حرق الجن الكافر.
اديتله الصورة و سألته
كل شوية بيتكتب لي رسايل عليها.. رسايل تهديد زي ما أنت شايف يا شيخنا
بص على الصورة من ورا و ابتسم ابتسامة فيها لؤم بس مش ليا و قالي بثقة
محدش بيشوف الحاجات دي غيرك الانسان الطبيعي مش هيشوفها لكن أنت عندك ميزة مش عند حد الرسايل دي هي مصدر قوتنا دلوقت من خلالها هخلي
طيب محدش بيشوف الرسايل غيري ازاي أنت شوفتها!
منا اللي معايا برضو مش قليلين.. دول من أقوى الخدام
اممم و هما قاعدين معانا دلوقت
هز راسه بمعنى أيوه فبلعت ريقي و أنا بفرك صوابعي بقلق
منورين يا رجالة والله البيت بيتكم برضو عايزين تقعدوا في السقف براحتكم تقعدوا مكانا و نقوم احنا براحتكم تقعدوا على راسنا برضو براحتكم إحنا ميهمناش الا راحتكم منك لله يا نهى يا بنت حلاوتهم
اتكلمت بثقة عشان ابين اني مش خايفة و سألته
هو أنت يا شيخنا لسه شغال في الدجل أصل لو لسه ليك في الكلام ده يبقى إحنا وجودنا غلط أصلا و حرام!
لقيته اتعصب كده و قال
استغفر الله العظيم ده أنا ما صدقت توبت الحمدلله
طيب مسخر الجن لخدمتك ليه مش كده حرام
أنا بساعد الناس مش بأذيهم وبعدين مش مسخرهم دول صحابي ومسلمين زينا عادي
محبتش اجادل معاه اكتر من كدا ولو كان استعانتي بيه حرام فربنا يسامحني أنا كل هدفي ننقذ الطفلين دول نهى مسكينة و ملهاش حد لا أهل ولا صحاب.
طيب هنعمل ايه دلوقت
لقيته سكت كدا زي ما يكون حد بيكلمه من خدامه و بص لي قالي وهو بيقوم
هنروح بيت الست روحية
يعني مش هنروح المقابر و نعمل زي ما قالوا
لو عملنا كدا يبقى احنا لعبة سهلة في ايدهم و بعدين الميت ليه حرمه مستحيل ندور على جثمان طفل و نعمل عليه تعويذة
كلامه صح و ده رأيي برضو بس كنت بجس نبضه كنت عايزة اتأكد هو تاب فعلا ولا لسه ليه في أمور الشعوذة دي.
ركبنا عربيته مع مراته عطية و روحنا بسرعة على بيت الدجالة روحية و اللي كان بعيد و برا منطقتنا اتصدمت لما لقيت البيت في مكان لوحده بعيد عن بيوت الناس و شكله زي بيوت الأفلام الرعب المخيفة البيت عليه سور محاوطه وجواه شجر كبير.. أول اما قربنا منه قلبنا اتقبض فجأة.. الريحة وحشة و الجو مريب أصلا كفاية صوت الشجر اللي كأنه في عز فصل طوبه في الشتا و إحنا أساسا في عز الحر!
بدأت اتمتم بقرآن من الخوف و نهى مسكت فيا تقريبا نهى شغلانتها إنها تمسك فيا معرفش أنا مغناطيس بالنسبة لها ولا إيه!
الشيخ مهند
متابعة القراءة
